సండే.. సూపర్ మ్యాచ్

బంగ్లాదేశ్‌తో మ్యాచ్ లో టీం ఇండియా ఓడిపోవడాన్ని కొందరు విమర్శలు చేస్తున్నా దానిని పరిగణనలోకి తీసుకోవద్దని క్రీడాపండితులు చెబుతున్నారు. సీనియర్లు లేకపోవడం, కొంత నిర్లక్ష్యం ఓటమికి కారణంగా చూపుతున్నారు. అయితే ఫైనల్ లో భారత్ జట్టును తక్కువగా అంచనా వేయడానికి వీలులేదు. బ్యాటర్లలో రోహిత్ శర్మ, శుభమన్ గిల్, విరాట్ కోహ్లి, కెఎల్ రాహుల్, ఇషాన్ కిషన్ లు ఫుల్ ఫాంలో ఉండటం కలసి వచ్చే అంశం. బౌలర్లలో కూడా కులదీప్ యాదవ్, బుమ్రా, సిరాజ్ లు కూడా మంచి ఊపు మీదుండి వికెట్లు తీస్తారన్న నమ్మకం భారత క్రికెట్ అభిమానుల్లో ఉంది.

అయితే అదే సమయంలో శ్రీలంకకు హోం పిచ్. సొంత మైదానంలో గెలవడం పెద్ద కష్టమేమీ కాదు. దీంతో పాటు ఆ జట్టు బౌలింగ్, బ్యాటింగ్ పరంగా కూడా పటిష్టంగా ఉంది. కుశాల్ పెరీరా, కుశాల్ మెండీస్, అసలంక ఫామ్ లో ఉన్నారు. దునిత్ వెల్లలాగే వంటి స్పిన్నర్లు ఎటూ ఉండనే ఉణ్నారు. పరితరణ, రజిత వంటి బౌలర్లతో పటిష్టంగానే కనపడుతుంది. దీంతో ఇరు జట్లలో ఏది గెలుపు అన్న ఉత్కంఠ నెలకొంది. అయితే కొలొంబోలో ఈరోజు వర్షం కురిసే ఛాన్స్ నలభై శాతం ఉందని వాతావరణ శాఖ చెప్పడంతో ఫ్యాన్స్ లో కొంత ఆందోళన కలుగుతుంది. ఆదివారం కావడంతో ఈ మ్యాచ్ ను కోట్ల మంది చూస్తుండటంతో వరుణులు కరుణిస్తాడా? శపిస్తాడా? అన్నది చూడాల్సి ఉంది.