పండంటి మగబిడ్డకు జన్మనిచ్చిన యువరాజ్ దంపతులు

ఈ ప్రపంచంలోకి, తమ కుటుంబంలోకి ఓ చిన్నారి వచ్చిన సందర్భంగా తమ గోప్యతను అభిమానులు అందరూ గౌరవించాలని యువరాజ్ విజ్ఞప్తి చేశాడు. యువరాజ్ చెప్పిన ఈ శుభవార్త.. అభిమానులను ఖుషీ చేస్తోంది. అభిమానులు, నెటిజన్లంతా యువరాజ్ కు శుభాకాంక్షలు తెలుపుతున్నారు. మాజీ క్రికెటర్ ఇర్ఫాన్ పఠాన్ సోషల్ మీడియాలో యువరాజ్ కు అభినందనలు తెలిపారు. సోదరా నువ్వు గొప్ప తండ్రివి అవుతావు చిన్నారిపై బోల్డంత ప్రేమ కురిపిస్తావు అంటూ కామెంట్ చేశారు. 2016 సంవత్సరంలో యువరాజ్ హేజల్ కిచ్ లకు పెళ్లి జరుగగా.. ఐదేళ్లకు ఆ దంపతులకు సంతానం కలిగింది.