ఆ స్టార్స్ ను పక్కన పెడుతూ టీ20 జట్టును ప్రకటించిన బీసీసీఐ

వెస్టిండీస్‌తో తలపడబోయే భారత టీ20 జట్టును బీసీసీఐ ప్రకటించింది. 15 మంది ఆటగాళ్లను విండీస్ టూర్ కోసం ఎంపిక చేసింది. ఈ జట్టుకు భారత ఆల్ రౌండర్ హార్దిక్ పాండ్యా కెప్టెన్‌గా వ్యవహరించనుండగా, సూర్యకుమార్ యాదవ్ వైస్ కెప్టెన్‌గా బాధ్యతలు చేపట్టనున్నాడు. ఐపీఎల్ లో రాణించిన యశస్వి జైస్వాల్, తిలక్ వర్మ, ముఖేష్ కుమార్‌లకు చోటు దక్కింది. ఇండియా- వెస్టిండీస్ మధ్య ఆగష్టు 3 నుంచి ఐదు మ్యాచ్‌ల టీ20 సిరీస్ ప్రారంభం కానుంది. మొదటి మూడు మ్యాచ్‌లు విండీస్ లో జరగనుండగా, చివరి రెండు టీ20లు అమెరికా వేదికగా జరగనున్నాయి. హైదరాబాద్ ఆటగాడు, ఇండియన్ ప్రీమియర్ లీగ్ (IPL) 2023లో ముంబై ఇండియన్స్ (MI) తరఫున అద్భుతంగా రాణించిన ఎడమచేతి వాటం బ్యాటర్ తిలక్ వర్మ భారత జట్టులో స్థానం సంపాదించాడు.