ఫోన్ చేసే దమ్ముందా: బాబర్ ఆజమ్

ఐసీసీ ప్రపంచ కప్ లో పాకిస్థాన్ జట్టు సెమీఫైనల్స్ చేరడం దాదాపు కష్టమే!! దీంతో పాకిస్థాన్ మాజీ ఆటగాళ్లు ఆ జట్టు సమీకరణాలపై టీవీ ఛానల్స్ ఇంటర్వ్యూలలో తెగ ట్రోల్ చేసేస్తూ ఉన్నారు. దీంతో పాకిస్తాన్ కెప్టెన్ బాబర్ ఆజమ్ స్పందించాల్సి వచ్చింది. ఇంగ్లాండ్‌తో మ్యాచ్‌కు ముందు మీడియా సమావేశంలో పాల్గొన్న బాబర్.. టీవీల్లో అభిప్రాయాలు చెప్పడం చాలా సులభం. ఎవరైనా సలహా ఇవ్వాలనుకుంటే, నాకు నేరుగా కాల్ చేయండి. అలాంటి వారు ఎంతమంది ఉన్నా స్వాగతిస్తా. నా నంబర్ కూడా అందరికీ తెలుసని స్టేట్మెంట్ ఇచ్చేసాడు. గత మూడేళ్లుగా పాక్ జట్టుకు కెప్టెన్‌గా ఉన్నానని.. గతంలో ఎప్పుడూ ఇలాంటి విమర్శలు ఎదుర్కోలేదన్నాడు బాబర్. అందరూ నేను ఒత్తిడిలో ఉన్నానని అంటున్నారు.. నా వరకు అలా అనిపించడం లేదని తెలిపాడు బాబర్. ఫీల్డింగ్ సమయంలో నా అత్యుత్తమ ప్రదర్శన ఇవ్వడానికి ప్రయత్నిస్తానని.. బ్యాటింగ్ సమయంలో ఎక్కువ పరుగులు చేసి జట్టును ఎలా గెలిపించాలి అని ఆలోచిస్తానని తెలిపాడు బాబర్.