Asia Cup : దేశంలో వ్యతిరేకత.. మైదానంలో వత్తిడి.. ఎలా అధిగమిస్తారో?

పాకిస్తాన్ ఆటగాళ్లలో స్పిన్నర్లు ఉన్నప్పటికీ సరైన బ్యాటింగ్ లైనప్ లేకపోవడం భారత్ కు కలసి వచ్చే అంశంగా చెప్పాలి. పాకిస్తాన్ స్పిన్నర్లను ధీటుగా ఎదుర్కొని తడబడకుండా నిలబడగలిగితే భారత్ విజయాన్ని ఎవరూ ఆపలేరు. భారత్ ఎనిమిది వికెట్ల వరకూ పటిష్టమైన బ్యాటింగ్ లైనప్ ఉంది. శుభమన్ గిల్, అభిషేక్ శర్మ, సూర్యకుమార్ యాదవ్, తిలక్ వర్మ, హార్ధిక్ పాండ్యా, శివమ్ దూబె, అక్షర్ పటేల్, జితేష్ శర్మ వరకూ అందరూ బ్యాటర్లు హిట్టర్లు. జితేశ్ శర్మ కు బదులు సంజూ శాంసన్ దిగినా బ్యాటింగ్ లో దూసుకుపోతాం. ఇక స్పిన్నర్లలో వరుణ్ చక్రవర్తి, కులదీప్ యాదవ్, అక్షర్ పటేల్ లు తమ చేతికి పని చెబుతారు. అలాగే హార్ధిక్ పాండ్యా, జస్ప్రిత్ బూమ్రా కూడా వికెట్లు తీయడంలో దిట్ట.

అయితే బ్యాటింగ్ పరంగా చూస్తే పాకిస్తాన్ బలహీనంగా ఉంది. నలుగురు స్పిన్నర్లు దాని బలం. దేశంలో ఈ మ్యాచ్ పట్ల ఉన్న వ్యతిరేకతను తట్టుకుని వత్తిడికి ఎదురొడ్డి నిలబడగలిగితే భారత్ జట్టుకే విజయావకాశాలు ఎక్కువగా ఉంటాయని క్రీడానిపుణులు చెబుతున్నారు. 2022 లో టీ20 ఫార్మాట్ లో మొదలయిన ఆసియా కప్ రెండు సార్లు మాత్రమే జరిగింది. ఈ ఫార్మాట్ లో మూడు సార్లు భారత్, పాకిస్తాన్ లు తలపడ్డాయి. రెండు మ్యాచ్ లలో టీం ఇండియా విజయం సాధించగా, ఒక మ్యాచ్ లో పాకిస్తాన్ విజయం సాధించింది. దీంతో నిన్నటి వరకూ వన్ సైడ్ గా జరిగిన ఆసియా కప్ మ్యాచ్ లు ఈరోజు మాత్రం నువ్వా? నేనా? అన్న రీతిలో సాగనున్నాయని చెప్పాలి.