India vs South Africa : సిరీస్ ను దక్కించుకోవాలని భారత్.. సమం చేయాలని దక్షిణాఫ్రికా

ఓపెనర్లలో అభిషేక్ శర్మ ధర్మశాలలో జరిగిన మ్యాచ్ లో పరవాలేదనిపించినా శుభమన్ గిల్, సూర్య కుమార్ యాదవ్ లు తమ ప్రతాపాన్ని చూపలేకపోయారు. అంటే వీరిద్దరూ ఫామ్ లో లేకపోవడం భారత జట్టుకు ఒకింత ఇబ్బందికరమైన విషయమే. ఎందుకంటే ముగ్గురు ఎంత లేదన్నా మినిమం స్కోరు చేస్తే భారీ పరుగులు సాధించడానికి భారత్ జట్టుకు వీలవుతుంది. ముందుగా ఫీల్డింగ్ చేసినా, తర్వాత చేసినా వత్తిడి అనేది బ్యాటర్లు, బౌలర్లపై ఉండదు. అందుకే ఈ ముగ్గురు మరింత రాణించాలని భారత అభిమానులు కోరుకుంటున్నారు.

ఇక ఇప్పటికే పేసర్ జస్ప్రిత్ బుమ్రా జట్టు నుంచి దూరమయ్యారు. చివరి రెండు మ్యాచ్ లలో ఆడటం అనుమానమే. ఇక మరొక ఆల్ రౌండర్ అక్షర్ పటేల్ అనారోగ్యం కారణంగా జట్టుకు దూరమయ్యారన్న వార్తలు ఫ్యాన్స్ ను కలవరపరుస్తున్నాయి. ధర్మశాలలో అక్షర్ పటేల్ కు విశ్రాంతినిచ్చారని చెబుతున్నా అనారోగ్యంతో మిగిలిన రెండు మ్యాచ్ లు ఆడరన్న ప్రచారం జరుగుతుంది. అదే జరిగితే భారత్ జట్టు మరింతగా బలహీనంగా మారనుంది. అందుకే జట్టులో ఉన్న వారు ఆచితూచి ఆడాల్సి ఉంటుంది. దూకుడుతో ఆడుతూనే వికెట్లు కాపాడుకోవడం బ్యాటర్లు, అలాగే ధర్మశాలలో మాదిరిగా వెంటవెంటనే వికెట్లు తీయగలిగితే భారత్ కు విజయావకాశాలుంటాయి. లేకపోతే శ్రమించాల్సి ఉంటుంది.