మే 6న వరంగల్ కు రాహుల్ గాంధీ రాక..!
మే 7న రాహుల్ గాంధీ హైదరాబాద్ లో జిల్లా కాంగ్రెస్ కమిటీ అధ్యక్షులతో సమావేశం నిర్వహించనున్నారు. ఇదే కార్యక్రమంలో..
హైదరాబాద్ : తెలంగాణ రాష్ట్రంలో తిరిగి సత్తా చాటాలని కాంగ్రెస్ పార్టీ భావిస్తోంది. అందులో భాగంగా కాంగ్రెస్ పార్టీ సీనియర్ నేత రాహుల్ గాంధీని తెలంగాణకు ఆహానిస్తూ ఉంది. రాహుల్ గాంధీ వచ్చే నెల (మే) 6న వరంగల్ లో పర్యటించనున్నారు. కాంగ్రెస్ పార్టీ 'రైతు సంఘర్షణ సభ' పేరుతో ఒక బహిరంగ సభ నిర్వహించనుంది. మరుసటి రోజు మే 7న రాహుల్ గాంధీ హైదరాబాద్ లో జిల్లా కాంగ్రెస్ కమిటీ అధ్యక్షులతో సమావేశం నిర్వహించనున్నారు.
ఇదే కార్యక్రమంలో కాంగ్రెస్ పార్టీ ముఖ్య నేతలు కూడా పాల్గొననున్నారు. 2023 అసెంబ్లీ, 2024 లోక్ సభ ఎన్నికలపై చర్చించనున్నట్టు పార్టీ వర్గాలు తెలిపాయి. టీఆర్ఎస్, బీజేపీ ఆడుతున్న రాజకీయ డ్రామాలను ప్రజలకు తెలియచెప్పడమే రాహుల్ బహిరంగ సభ ఉద్దేశ్యమని పార్టీ వర్గాలు అంటున్నాయి. రైతులను ఆదుకోవడంలో పాలక పక్షాల తీరును ఎండగట్టడంతోపాటు, వారికి అండగా కాంగ్రెస్ ఉందని చెప్పడమే సభ లక్ష్యంగా పేర్కొన్నాయి. 2019 లోక్ సభ ఎన్నికల తర్వాత రాహుల్ గాంధీ తెలంగాణకు రావడం ఇదే మొదటిసారి కానుంది.