Bengaluru : బెంగళూరును ముంచెత్తిన వాన

బెంగళూరులో రాత్రి కురిసిన వర్షంతో జనజీవనం స్థంభించి పోయింది. బెంగళూరు నగరంలో 65 మిల్లీమీటర్ల వర్షపాతం నమోదయిందని అధికారులు తెలిపారు.బెంగళూరులో గురువారం అర్ధరాత్రి మొదలైన వర్షం శుక్రవారం ఉదయం వరకు విడతల వారీగా కురిసింది. దీంతో పలు లోతట్టు ప్రాంతాలు నీటమునిగాయి. ప్రధాన రహదారులపై భారీ ట్రాఫిక్ జామ్‌ ఏర్పడింది. నగరంలో ఇరవై నాలుగు గంటల్లో 65.5 మిల్లీమీటర్ల వర్షపాతం నమోదైంది. డొడ్డబళ్లాపురలో 60 మి.మీ., రామనగరలోని చందురాయణహళ్లిలో 46 మి.మీ., బెంగళూరు గ్రామీణంలోని హెసరఘట్టలో 43 మి.మీ. వర్షం కురిసిందని వాతావరణ శాఖ అధికారులు తెలిపారు.దీంతో నగర ప్రజలు తీవ్ర ఇబ్బందులు పడ్డారు.