బర్డ్ ఫ్లూ కలకలం.. 25 వేల కోళ్లను చంపేయాలని అధికారుల ఆదేశం

ఇటీవల థానే జిల్లాలోని ఓ పౌల్ట్రీఫామ్ లో దాదాపు 100 కోళ్లు హఠాత్తుగా మృతి చెందాయి. దాంతో చనిపోయిన కోళ్ల నమూనాలను పూణేలోని ల్యాబ్ కు టెస్టింగ్ కు పంపగా.. అక్కడ జరిపిన పరీక్షల్లో కోళ్లకు హెచ్ 5ఎన్1 ఏవియన్ ఇన్ ఫ్లూయెంజా (బర్డ్ ఫ్లూ) ఉందని తేలింది. దాని కారణంగానే కోళ్లు మృతి చెందాయని పరిశోధకులు నిర్థారించారు. ఈ వైరస్ ను కట్టడి చేసేందుకు అక్కడి అధికారులు కఠిన నిర్ణయాలు తీసుకున్నారు. వైరస్ గుర్తించిన కోళ్ల ఫామ్ ఉన్న ప్రాంతం నుంచి దాదాపు కిలోమీటర్ పరిధిలో ఉన్న సుమారు 25 వేల కోళ్లను చంపేయాలని జిల్లా కలెక్టర్ ఆదేశాలను జారీ చేశారు. థానే జిల్లాకు ఆనుకుని ఉన్న జిల్లాలను కూడా అప్రమత్తం చేయాలని సూచించారు.