పట్టాలు తప్పిన రైలు.. అంతా సేఫ్

మొత్తం 8 స్లీపర్ బోగీలు పట్టాలు తప్పడంతో.. ప్రయాణికులు కంగారుపడ్డారు. వెంటనే రైల్వే అధికారులకు సమాచారమివ్వగా.. 20 నిమిషాల్లో అంబులెన్స్‌లు, సహాయక సిబ్బంది ఘటనా స్థలానికి చేరుకున్నారు. రైలు పట్టాలు తప్పిన ఘటనలో ఎవరికీ ప్రాణహాని లేదని అధికారులు తెలిపారు. రైల్లో 8 బోగీలు పట్టాలు తప్పడంతో.. మిగతా 11 బోగీలు కూడా నిలిచిపోయాయి. ప్రయాణికులకు ఎలాంటి ఆటంకం కలగకుండా, అధికారులు ప్రత్యేక బస్సులు ఏర్పాటు చేసి.. ప్రయాణికులను ఆ బస్సుల్లో తరలించారు. ప్రస్తుతం ప్రమాద పరిస్థితిని సమీక్షిస్తున్నామని.. త్వరలో ఉన్నతస్థాయి విచారణ చేపడతామని తెలిపారు.