ఎమర్జెన్సీ హెల్ప్లైన్ 112కి ప్రాంక్ కాల్స్ చేసి పోలీసులను తిట్టినందుకు ఓ మహిళపై కేసు నమోదైంది. నిందితురాలు కాల్స్ చేసి అశ్లీలమైన మాటలు మాట్లాడడమే కాకుండా.. పాటలు కూడా వినిపిస్తూ ఉండేది. కావాలనే పోలీసులకు ఫోన్ చేసి మరీ రెచ్చగొట్టేది. ప్రభుత్వ ఉద్యోగులు విధులను నిర్వర్తించకుండా అడ్డుకున్నందుకు ఆమెకు మూడు నెలల జైలు శిక్ష విధించారు. నిందిరాలిని పంచకులలోని బీర్ గగ్గర్ నివాసి సుమన్గా గుర్తించారు. టెలికాం సూపరింటెండెంట్ ఆఫ్ పోలీస్ (ఎస్పీ) రాజేష్ కాలియా దాఖలు చేసిన ఫిర్యాదు ప్రకారం, ఒక కాలర్ ఎమర్జెన్సీ హెల్ప్లైన్ 112కి ప్రాంక్ కాల్స్ చేస్తూ తిడుతోందని వెల్లడించారు. అనవసరంగా ఇటువంటి కాల్స్ చేస్తూ ఉండడం వలన.. ఆపదలో ఉన్న ప్రజలకు అత్యవసర సేవలు అందుబాటులో లేకుండా పోతాయి. ఎమర్జెన్సీ పరిస్థితుల్లో ఉన్న వాళ్లకు విలువైన సమయాన్ని వృధా చేస్తుంటారని పంచకుల డిప్యూటీ పోలీస్ కమిషనర్కు పంపిన ఫిర్యాదులో ఎస్పీ పేర్కొన్నారు.