ఓటీటీలోకి వచ్చేసిన మేజర్.. చూడాలని ఉందా..?

యువ హీరో అడివి శేష్ నటించిన తాజా చిత్రం 'మేజర్'. ముంబై దాడుల్లో ఉగ్రవాదులతో వీరోచిత పోరాటం చేసి దేశం కోసం ప్రాణాలు అర్పించిన మేజర్ సందీప్ ఉన్నికృష్ణన్ జీవిత కథ ఆధారంగా ఈ చిత్రం తెరకెక్కింది. ఉన్నికృష్ణన్ పాత్రలో శేష్ నటించాడు. తెలుగు, హిందీతో పాటు విడుదలైన అన్ని భాషల్లోనూ మంచి విజయం సాధించింది. తాజాగా ఈ సినిమా ఓటీటీలోకి వచ్చేసింది. ప్రముఖ ఓటీటీ ప్లాట్ ఫామ్ 'నెట్ ఫ్లిక్స్'లో ఈ చిత్రం ఆదివారం నుంచి స్ట్రీమ్ అవుతోంది. నెట్ ఫ్లిక్స్‌ లో తెలుగు, మలయాళంతో పాటు హిందీ భాషల్లో స్ట్రీమింగ్ అవుతోంది.