ఓటీటీలోకి వాల్తేరు వీరయ్య.. ఎప్పటి నుండి స్ట్రీమింగ్ అంటే..
రీ ఎంట్రీ తరువాత చిరంజీవి నుంచి మిస్ అవుతున్న కామెడీ టైమింగ్ ని ఈ సినిమాలో చూపించడంతో జనరల్..
waltair veerayya ott release
తెలుగు ప్రేక్షకులను వాల్తేరు వీరయ్యగా వచ్చి తన వింటేజ్ లుక్స్ అండ్ యాక్షన్ కామెడీతో అలరించాడు మెగాస్టార్ చిరంజీవి. రీ ఎంట్రీ తరువాత చిరంజీవి నుంచి మిస్ అవుతున్న కామెడీ టైమింగ్ ని ఈ సినిమాలో చూపించడంతో జనరల్ ఆడియన్స్ కూడా థియేటర్లకు ఎగపడ్డారు. ఈ సినిమాతో చిరంజీవి రూ.200 కోట్లకు పైగా కలెక్షన్స్ రాబట్టి.. తనకున్న స్టామినా ఏంటో చూపించాడు. ఈ సినిమాలో మరో టాలీవుడ్ హీరో మాస్ మహారాజ్ రవితేజ కూడా నటించాడు. చిరంజీవికి తమ్ముడిగా రవితేజ ఈ సినిమాలో కనిపించాడు.
సంక్రాంతి బరిలో బాక్స్ ఆఫీస్ వద్ద పూనకాలు తెప్పించిన ఈ సినిమా ఇప్పుడు ఓటిటిలో సందడి చేసేందుకు రెడీ అవుతోంది. ప్రముఖ ఓటిటి ప్లాట్‌ఫార్మ్ నెట్‌ఫ్లిక్స్ లో ఈ మూవీ ప్రసారం కానుంది. ఫిబ్రవరి 27న నుంచి ఈ మూవీ ఓటిటిలో అందుబాటులోకి రాబోతున్నట్లు నెట్‌ఫ్లిక్స్ సంస్థ అధికారికంగా ప్రకటించింది. థియేటర్లలో పూనకాలు తెప్పించిన వాల్తేరు వీరయ్య ఓటీటీలో ప్రేక్షకుల్ని ఎంతవరకూ మెప్పిస్తాడో చూడాలి.