వాల్తేరు వీరయ్య ఫస్ట్ డే కలెక్షన్స్

చిరంజీవితో పాటు.. మాస్ మహారాజ్ రవితేజ కూడా ఓ ముఖ్యపాత్రలో కనిపించడంతో.. ఇటు మెగా.. అటు మాస్ మహారాజా ఫ్యాన్స్ థియేటర్లకు క్యూ కడుతున్నారు. వసూళ్ల విషయానికొస్తే.. గతేడాది విడుదలైన చిరంజీవి సినిమా గాడ్ ఫాదర్ తొలిరోజు రూ.12.97 కోట్లు మాత్రమే వసూలు చేయగా.. వాల్తేరు వీరయ్య అన్ని భాషలు కలిపి.. రూ.29 కోట్లు రాబట్టడంపై అభిమానులు సంతోషం వ్యక్తం చేస్తున్నారు. వాల్తేరు వీరయ్య సినిమాకు కెఎస్ రవీంద్ర దర్శకత్వం వహించగా.. దేవీశ్రీ ప్రసాద్ సంగీతం అందించారు. చిరంజీవికి జోడీగా ఈ సినిమాలో శృతిహాసన్ నటించింది. రవితేజకు జోడీగా కేథరిన్ థ్రెసా నటించింది. వీరయ్య రాకతో.. వీరసింహారెడ్డి సెకండ్ డే వసూళ్లకు గండి పడింది. తొలిరోజు గురువారం రూ.33.6 కోట్లు రాబట్టిన వీరసింహారెడ్డి.. రెండోరోజు రూ.8.6కోట్లు మాత్రమే వసూలు చేసింది.