Saindhav: సెన్సార్ పూర్తీ చేసుకున్న వెంకటేష్ 'సైంధవ్'
విక్టరీ వెంకటేష్ హీరోగా నటిస్తున్న సైంధవ్ సినిమా సెన్సార్ ఫార్మాలిటీస్
Venkatesh Saindhav Movie
విక్టరీ వెంకటేష్ హీరోగా నటిస్తున్న సైంధవ్ సినిమా సెన్సార్ ఫార్మాలిటీస్ పూర్తి చేసుకుంది. విక్టరీ వెంకటేష్- శైలేష్ కొలను కాంబినేషన్ లో వెంకట్ బోయనపల్లి, నిహారిక ఎంటర్‌టైన్‌మెంట్స్ నిర్మించిన ఈ సినిమాకు యు/ఎ సెన్సార్ సర్టిఫికేట్ దక్కింది. ఈ చిత్రం జనవరి 13న విడుదలకు సిద్ధంగా ఉంది. విక్టరీ వెంకటేష్ కెరీర్ లో 75 వ చిత్రంగా సైంధవ్ రావోతోంది. శైలేష్ కొలను దర్శకత్వం వహించిన ఈ చిత్రానికి సెన్సార్ అధికారులు U/A సర్టిఫికేట్ అందించారు. 2 గంటల 15 నిమిషాల రన్‌టైమ్‌తో ఈ సినిమా వస్తోంది.
సైంధవ్ సినిమా ఒక యాక్షన్ ప్యాక్డ్ ఎమోషనల్ ఎంటర్‌టైనర్ అని చిత్ర బృందం చెబుతోంది. పాటలలో చూపినట్లుగా తండ్రి - కుమార్తె బంధం సినిమాలో ప్రధాన అంశం. వెంకటేష్ సరసన జెర్సీ ఫేమ్ శ్రద్ధా శ్రీనాథ్ నటించింది. నవాజుద్దీన్ సిద్ధిఖీ, ఆర్య, రుహానీ శర్మ, ఆండ్రియా వంటి అనేక మంది ప్రముఖ నటీనటులు ఈ చిత్రంలో భాగమై ఉన్నారు. ఈ పాన్ ఇండియా మూవీని నిహారిక ఎంటర్‌టైన్‌మెంట్ బ్యానర్‌పై వెంకట్ బోయనపల్లి భారీ స్థాయిలో నిర్మించగా, సంతోష్ నారాయణన్ సంగీతం అందించారు. ఎస్.మణికందన్ సినిమాటోగ్రఫీ బాధ్యతలను తీసుకున్నారు. సైంధవ్ సినిమా 2024 సంక్రాంతికి జనవరి 13న ప్రపంచవ్యాప్తంగా గ్రాండ్ రిలీజ్‌కి సిద్ధంగా ఉంది.