టాలీవుడ్‌లో పెళ్లి సందడి.. వెంకీ మామ రెండో కూతురు.. కీరవాణి రెండో కొడుకు..

విక్టరీ వెంకటేష్ ముగ్గురు ఆడపిల్లలు, ఒక అబ్బాయి అన్న విషయం అందరికి తెలిసిందే. వీరిలో ఆల్రెడీ పెద్ద అమ్మాయికి పెళ్లి అయ్యిపోయింది. ఇప్పుడు రెండో అమ్మాయికి పెళ్లి కుదిరినట్లు సమాచారం. విజయవాడకు చెందిన ఓ డాక్టర్ కుటుంబంలోని వరుడితో వెంకటేష్ తన రెండో కూతురి పెళ్లి ఫిక్స్ చేసినట్లు తెలుస్తుంది. రేపు అక్టోబర్ 25న వీరి ఎంగేజ్మెంట్ జరగబోతుందని ఇండస్ట్రీ వ్యక్తులు చెబుతున్న మాటలు.

ఇక ఆస్కార్, నేషనల్ అవార్డు అందుకున్న ఎం ఎం కీరవాణి ఇంటిలో కూడా పెళ్లి సందడి మొదలు కాబోతుంది. కీరవాణి రెండో కొడుకు 'సింహా' హీరోగా సినిమాలు చేస్తూ టాలీవుడ్ ఆడియన్స్ ని ఎంటర్టైన్ చేస్తూ వస్తున్నాడు. ఇప్పుడు ఈ హీరో పెళ్లి చేసుకొని మ్యారేజ్ లైఫ్ స్టార్ట్ చేయబోతున్నాడట. తెలుగు సీనియర్ నటుడు మురళి మోహన్ మనవరాలు 'రాగా మాగంటి'తో సింహా పెళ్లి ఫిక్స్ అయ్యిందని ఇండస్ట్రీలోని వ్యక్తులు చెబుతూ వస్తున్నారు.

అయితే ఈ పెళ్లి వార్తలు గురించి.. ఆ కుటుంబాల నుంచి ఎటువంటి సమాచారం లేదు. ఇక వరుణ్ తేజ్, లావణ్య పెళ్లి విషయానికి వస్తే.. నవంబర్ ఫస్ట్ వీక్ లో ఈ వివాహం జరగనుందని ఫిలిం వర్గాల్లో మాటలు వినిపిస్తున్నాయి. ఈ మెగా పెళ్లి వేడుకకు ఇటలీ వేదిక కానుంది. అక్కడి టుస్కానీ నగరంలోని ఒక హోటల్ లో ఈ వివాహ వేడుక ఘనంగా జరగబోతుందని తెలుస్తుంది.