శ్యామ్ సింగ రాయ్ నుంచి "సిరివెన్నెల" పాట

నేచురల్ స్టార్ నాని - రాహుల్ సాంకృత్యన్ కాంబినేషన్ లో రూపొందిన సినిమా శ్యామ్ సింగ రాయ్. వెంకట్ బోయనపల్లి నిర్మించిన ఈ సినిమాలో నాని సరసన ఉప్పెన హీరోయిన్ కృతి శెట్టి, సాయిపల్లవి, మడోన్నా సెబాస్టియన్ లు కనిపించనున్నారు. తాజాగా ఈ సినిమా నుంచి "సిరివెన్నెల" లిరికల్ వీడియో పాటను విడుదల చేసింది చిత్ర యూనిట్. "నేలరాజునీ ఇల రాణిని కలిపింది కదా సిరివెన్నెల. దూరమా .. తీరమై చేరుమా. నడిరాతిరిలో తెరలు తెరిచినది .. నడి నిద్దురలో మగత మరిచినది .. ఉదయించినదా కులుకులొలుకు చెలి మొదటి కల" అంటూ సాగే ఈ పాట శ్రోతలను ఆకట్టుకుంటోంది.