అనుపమ-కేంద్ర మంత్రి సురేష్ గోపి సినిమా విడుదలవ్వడం లేదు

జానకి పేరును తొలగించాలని డిమాండ్ చేస్తూ CBFC సినిమా టైటిల్‌పై అభ్యంతరం వ్యక్తం చేసినట్లు సమాచారం. టైటిల్‌ను మార్చడం సరైనది కాదని పేర్కొంటూ నిర్మాతలు నిరాకరించారు. ఈ సినిమా ఇంతకుముందు సర్టిఫికేషన్ ఫార్మాలిటీలను పూర్తి చేసి, ఎటువంటి కోతలు లేకుండా U/A 13+ రేటింగ్‌ను పొందినప్పటికీ, ఇప్పుడు దానికి పబ్లిక్ ఎగ్జిబిషన్‌కు అనుమతి నిరాకరించారు. ఫిల్మ్‌ ఎంప్లాయిస్‌ ఫెడరేషన్‌ ఆఫ్‌ కేరళ ప్రధాన కార్యదర్శి, ప్రముఖ దర్శకుడు ఉన్ని కృష్ణన్‌ విలేకరుల సమావేశంలో మాట్లాడుతూ.. సినిమాలో జానకి అనే పేరును ఉపయోగించరాదని సెన్సార్‌ బోర్డు ఈ చిత్ర నిర్మాతలకు స్పష్టంగా తెలియజేసినట్లు చెప్పారు. టైటిల్‌, పాత్ర పేరును మార్చాలని బోర్డు చిత్రబృందానికి సూచించినట్లు తెలిపారు.