పుష్ప 2 రిలీజ్ డేట్ వచ్చేసింది..

అల్లు అర్జున్ (Allu Arjun) నటిస్తున్న పుష్ప 2 (Pushpa 2) రిలీజ్ డేట్ కోసం పాన్ ఇండియా వైడ్ ఫ్యాన్స్ ఎంతో ఆశగా ఎదురు చూస్తున్నారు. పార్ట్-1 రిలీజ్ అయ్యి ఏడాదిన్నర అవుతున్నా ఇప్పటివరకు చిత్ర యూనిట్ మాత్రం విడుదల తేదీపై ఒక క్లారిటీ ఇవ్వడం లేదు. ఆ మధ్య రిలీజ్ డేట్ పై అప్డేట్ ఇవ్వాలంటూ అభిమానులు గీతా ఆర్ట్స్, మైత్రీ మూవీ మేకర్స్ ఆఫీస్ ఎదుట నిరసన తెలిపిన సంగతి తెలిసిందే.

పార్ట్-1 తో వచ్చిన హైప్, నేషనల్ అవార్డుతో వచ్చిన హైప్ తో.. ఓపెనింగ్ లోనే పుష్ప 2 బాక్స్ ఆఫీస్ వద్ద భారీ కలెక్షన్స్ నమోదు చేయడం ఖాయం అంటున్నారు. ముఖ్యంగా ఈ సినిమా పై నార్త్ ఆడియన్స్ ఎక్కువ ఆసక్తి చూపిస్తున్నారు. దీంతో ఈ చిత్రం బాలీవుడ్ లో సరికొత్త రికార్డులను సృష్టించడంలో సందేహం లేదని సినీ పండితులు చెబుతున్నారు. ఇక ఈ అంచనాలకు తగ్గట్టే దర్శకుడు సుకుమార్ కూడా పార్ట్2 ని సిద్ధం చేస్తున్నాడు.

ఇటీవల ఈ మూవీ సెట్స్ నుంచి బయటకి వచ్చిన ఒక వీడియోలో 100కు పైగా లారీలు కనిపించడంతో.. మూవీలో భారీ యాక్షన్ ఛేజ్ సీక్వెన్స్ ఉండబోతుందని అభిమానులు అంచనాలు వేసేసుకుంటున్నారు. కాగా ఈ సినిమాలో రష్మిక మందన్న హీరోయిన్ గా నటిస్తుంటే ఫహద్ ఫాజిల్ ప్రతినాయకుడు పాత్రలో కనిపించబోతున్నాడు. మైత్రీ మూవీ మేకర్స్ నిర్మిస్తున్న ఈ చిత్రానికి దేవిశ్రీ ప్రసాద్ సంగీతం అందిస్తున్నాడు.