Allu Arujun : బన్నీ ఫ్యాన్స్ కు గుడ్ న్యూస్.. ఇక స్క్రీన్ చినిగి పోవాల్సిందే

సన్ పిక్చర్స్ నిర్మిస్తున్న ఈ మూవీలో దీపికా పడుకోనే, మృణాల్ ఠాకూర్ లు హీరోయిన్ లుగా నటిస్తున్నారన్న సంగతి తెలిసిందే. ఈ సినిమాతో మరో పాన్ ఇండియా మూవీని తీసుకు వద్దామనుకుంటున్న వారు ఎప్పటికప్పుడు క్యారెక్టర్ల ఎంపికలోనూ అంతే జాగ్రత్తలు పాటిస్తున్నారు. ఇప్పటికే ఈ మూవీకి సంబంధించి అనేక మందికి లుక్ టెస్ట్ లను కూడా నిర్వహించి ఫైనల్ చేశారు. ఈ మూవీలో అల్లు అర్జున్ కొత్త గెటప్ లో కనిపించనున్నారు. పుష్ప సినిమాలో గుబురు గడ్డంతో కనిపించిన బన్నీ ఈ మూవీలో లుక్ అదరిపోతుందని అంటున్నారు.

అయితే తాజాగా వస్తున్న సమాచారం మేరకు మరో స్టార్ హీరోను ఈ మూవీకి ఎంపిక చేశారని తెలిసింది. తమిళ స్టార్ హీరో విజయ్ సేతుపతి కూడా ఈ సినిమాలో నటించబోతున్నట్లు వార్తలు వస్తున్నాయి. అయితే విజయ్ సేతుపతి ఏ క్యారెక్టర్ చేస్తారన్నది మాత్రం ఆసక్తికరంగా మారింది. విజయ్ సేతుపతి ఇప్పటికే సినిమా సెట్స్ లో జాయిన్ అయినట్లు కూడా సోషల్ మీడియాలో వైరల్ అయింది. ఈ షూటింగ్ ఇప్పటికే ప్రారంభమయింది. ముంబయిలో జరుగుతున్న షూటింగ్ శరవేగంగా కొనసాగుతుంది. ఈ మూవీ షూటింగ్ వచ్చే ఏడాది సెప్టంబరు వరకూ కొనసాగుతుంది. చిత్రం విడుదల మాత్రం 2027లోనే అని మేకర్స్ ఇప్పటికే చెప్పినట్లు కూడా వార్తలు వైరల్ అవుతున్నాయి. సో.. బన్నీ ఫ్యాన్స్ మాత్రం మరో ఏడాదిన్నర ఈ సినిమా కోసం వెయిట్ చేయాల్సిందే.