SSMB 29 : మహేశ్ బాబు అభిమానులను ఊరించే వార్త

మేకింగ్ లో రాజమౌళిది ప్రత్యేక స్టయిల్. ఏదీ అంత త్వరగా ఒప్పుకోరు. సీన్ ల మీద సీన్లు చేసేస్తుంటారు. తాను నచ్చేంత వరకూ సీన్ వచ్చేంత వరకూ రాజమౌళి శ్రమిస్తారు. చిత్రంలో నటీనటులను కూడా అలాగే వంచేస్తారు. అయితే SSMB 29 సినిమా షూటింగ్ ఇటీవల ఒడిశాలో చేశారు. కోరాపుట్ జిల్లాలో జరిగిన షూటింగ్ కు సంబంధించిన కొన్ని సీన్లు కూడా సోషల్ మీడియాలో కనిపించాయి. అయితే SSMB 29 మూవీకి సంబంధించిన అధికారిక ప్రకటన ఇప్పటి వరకూ విడుదల కాలేదు. నవంబర్ లో విడుదల చేస్తామని ప్రకటించారు.

త్వరలోనే SSMB 29 మూవీకి సంబంధించిన లేటెస్ట్ అప్ డేట్ రాజమౌళి అఫీషియల్ గా అనౌన్స్ చేస్తారంటున్నారు. ఈ అప్ డేట్ కోసం ఒక ఈవెంట్ ను కూడా చేయాలని మేకర్స్ నిర్ణయించారు. హైదరాబాద్ లో జరిగే ఈవెంట్ లో SSMB 29 మూవీకి సంబంధించిన అప్ డేట్ ఇస్తారన్నది చిత్ర పరిశ్రమ ద్వారా వినిపిస్తున్న టాక్. అయితే ఈ అప్ డేట్ లో ఏముంటుందన్నది మాత్రం ఇంకా లీక్ కాకపోయినప్పటికీ, టైటిల్ అయి ఉండవచ్చన్న అభిప్రాయం వ్యక్తమవుతుంది. టైటిల్ తో పాటు గ్లింప్స్ ను కూడా ఈ ఈవెంట్ లో విడుదల చేసే అవకాశముందని తెలిసింది. మొత్తం మీద మహేశ్ బాబు ఫ్యాన్స్ ను ఎన్నాళ్ల నుంచో ఊరిస్తున్న సమయం రానే వచ్చింది.