ఓటీటీలో విడుదలైన డీజే టిల్లు

ప్రతి శుక్రవారం కొత్త సినిమాను విడుదల చేస్తోంది ఆహా. అలా ఈ శుక్రవారం సిద్ధు జొన్నలగడ్డ- నేహాశెట్టి జంటగా వచ్చిన డీజే టిల్లు సినిమాను విడుదల చేసింది. ప్రస్తుతం ఈ సినిమా ఆహాలో స్ట్రీమింగ్ అవుతోంది. సిద్ధు ఇండస్ట్రీలోకి వచ్చి 12 ఏళ్లవుతుండగా.. డీజే టిల్లు సినిమాతో మంచి గుర్తింపు పొందాడు. విమల్ కృష్ణ దర్శకత్వంలో వచ్చిన ఈ సినిమాను సూర్య దేవర నాగవంశీ నిర్మించారు. పూర్తి తెలంగాణ స్లాంగ్ లో ఉండే ఈ సినిమా.. తెలుగు రాష్ట్రాల్లో విశేష ప్రేక్షకాదరణ పొందింది. డీజే టిల్లు సినిమా సక్సెస్ అవ్వడంతో.. దీనికి సీక్వెల్ ను రూపొందించే ప్లాన్ లో ఉన్నారు నిర్మాతలు.