పుష్ప ట్రైలర్‌పై సమంత ట్వీట్.. బంగార్రాజు సంగతేంటి ?

పుష్పరాజ్.. తగ్గేదే లే.. అంటూ అల్లు అర్జున్ చేసిన ట్రైలర్ రిలీజ్ ట్వీట్ ను రీ-ట్వీట్ చేసింది సమంత. పుష్ప - ది రైజ్ 01.. డిసెంబర్ 17న థియేటర్లలోకి వస్తోందంటూ హ్యాష్ ట్యాగ్స్ పెట్టింది. ఐతే సమంత ట్వీట్ ను సమంత ఫ్యాన్స్ పాజిటివ్ గా తీసుకోగా.. అక్కినేని- సమంత ఉమ్మడి అభిమానులు మాత్రం డిఫరెంట్ గా రియాక్టవుతున్నారు.

బంగార్రాజు సినిమాలో నాగచైతన్య-కృతి శెట్టిపై తీసిన 'నాకోసం' పాట ఇటీవలే విడుదలవ్వగా.. ఈ పాటను సిరివెన్నెల రచించారు. పుష్ప ట్రైలర్ పై అంత త్వరగా స్పందించిన సమంత.. ఈ పాటపై ఎందుకు ఇంకా రియాక్ట్ అవ్వడం లేదని చై - సామ్ అభిమానులు కామెంట్లలో ప్రశ్నిస్తున్నారు. ఇటీవల కాలంలో సమంత - నాగచైతన్య విడాకులు తీసుకుంటున్నట్లు ప్రకటించిన విషయం తెలిసిందే. తాము భార్య భర్తలుగా విడిపోతున్నాం.. కానీ స్నేహితులుగా ఉంటామని ఇద్దరూ చెప్పారు. దీంతో బంగార్రాజు సంగతేంటి ? అని ఫొటోలు పెట్టి ప్రశ్నిస్తున్నారు.