అమెరికాలో సమంత సరికొత్త రికార్డు..

బాక్స్ ఆఫీస్ వద్ద ఈ మూవీ మంచి సక్సెస్ టాక్ ని సొంతం చేసుకుంది. సమంత స్టార్‌డమ్ ఈ మూవీ కలెక్షన్స్ కి బాగా కలిసొచ్చింది అనే చెప్పాలి. ఫస్ట్ డేనే ఈ మూవీ రూ.30 కోట్ల గ్రాస్ కలెక్షన్స్ ని అందుకొని విజయ్ కి కెరీర్ బెస్ట్ ఓపెనింగ్స్ అందించింది. ఇది ఇలా ఉంటే, ఈ చిత్రంతో సమంత అమెరికాలో సరికొత్త రికార్డుని క్రియేట్ చేసింది. అమెరికన్ బాక్స్ ఆఫీస్ వద్ద ఈ మూవీ మొదటి రెండు రోజుల్లోనే 1 మిలియన్ మార్క్ ని అందుకొని సంచలనం సృష్టించింది. అయితే ఇది కాదు అసలైన రికార్డు.

ఈ చిత్రంతో కలుపుకొని సమంత నటించిన 17 సినిమాలు అమెరికాలో 1 మిలియన్ డాలర్ మార్క్ ని అందుకున్నాయి. ఈ రికార్డు సాధించిన ఏకైక ఇండియన్ యాక్ట్రెస్ గా సమంత రికార్డు సృష్టించింది. దీంతో అభిమానులకు సోషల్ మీడియా వేదికగా థాంక్యూ చెప్పింది. తనపై చూపిస్తున్న ప్రేమకు ఎప్పటికి రుణపడి ఉంటాను అంటూ చెప్పుకొచ్చింది. కాగా ఈ చిత్రం మొదటి వీకెండ్ పూర్తి చేసుకునేపాటికి రూ.70.23 కోట్ల గ్రాస్ ని అందుకుంది.

మొదటి మూడు రోజుల్లోనే ఈ రేంజ్ కలెక్షన్స్ రావడం విజయ్ దేవరకొండ కెరీర్ లోనే బెస్ట్ అని చెప్పొచ్చు. ఈ మూవీ ప్రీ రిలీజ్ బిజినెస్ 53 కోట్ల వరకు జరిగిందని సమాచారం. కాబట్టి ఈ చిత్రం బ్రేక్ ఈవెన్ సాధించాలంటే.. దాదాపు 55 కోట్ల షేర్ కలెక్షన్స్ రాబట్టాలి. అంటే.. గ్రాస్ కలెక్షన్స్ సుమారు 110 కోట్ల పైనే వచ్చి ఉండాలి. ఇప్పుడు వచ్చిన కలెక్షన్స్ బట్టి చూస్తే.. ఈ మూవీ మరో 40 కోట్లు రాబడితే చాలు లాభాలు బాట పడుతుంది.