అందరూ నిద్రపోయే టైమ్ లో సలార్ టీజర్.. కొత్త రికార్డులు ?

జులై 6 తెల్లవారుజామున 5.12 గంటలకు సలార్ టీజర్ ను విడుదల చేయనున్నట్లు హోంబలె ఫిలింస్ ట్వీట్ చేసింది. సాధారణంగా ఆ సమయంలో అందరూ నిద్రలో ఉంటారు. మరి ఆ సమయంలో టీజర్ రిలీజ్ అంటే.. కొత్త రికార్డులు సృష్టిస్తుందా ? అని సందేహిస్తున్నారు సినీ విశ్లేషకులు. టీజర్ కోసం ఎదురుచూస్తున్న ఫ్యాన్స్ ఆ టైమ్ కు పడుకుని ఉండరని, మాస్ రికార్డులు ఖాయమంటుంది మూవీ టీమ్. కాగా.. సలార్ టీజర్ 90 సెకన్ల నిడివితో రానుందని ఇప్పటికే సమాచారం అందింది. ఈ టీజర్ సినిమాపై అంచనాలు పెంచుతుందో లేదో చూడాలంటే ఇంకా రెండ్రోజులు వెయిట్ చేయాల్సిందే. శృతి హాసన్ హీరోయిన్ గా, మలయాళం స్టార్ హీరో పృథ్వీరాజ్ సుకుమారన్, జగపతి బాబు విలన్స్ గా, శ్రియారెడ్డి, మరికొంతమంది స్టార్ ఆర్టిస్టులు ముఖ్య పాత్రల్లో.. భారీ మాస్ యాక్షన్ సినిమాగా తెరకెక్కుతుంది సలార్. ప్రస్తుతం ఈ సినిమా షూటింగ్ చివరి దశలో ఉందని సెప్టెంబర్ 28న సినిమా విడుదల చేస్తామని గతంలోనే ప్రకటించింది చిత్రబృందం.