తెలుగు రాష్ట్రాల్లో RRR రీ రిలీజ్

సినిమా రీ రిలీజ్ కోసం అన్ని ఏర్పాట్లు జరిగిపోయాయి. మార్చి 10న తెలుగు రాష్ట్రాల్లో RRRను రీ రిలీజ్ చేస్తున్నారు. ఈ విషయాన్ని తెలియజేస్తూ.. చిత్రబృందం అధికారిక పోస్టర్ ను విడుదల చేసింది. దేశభక్తి నేపథ్యంలో వచ్చిన ఈ సినిమా గురించి.. అందరూ ఎంతో గొప్పగా చెప్పుకుంటున్నారు. అల్లూరి - కొమరమ్ భీమ్ ల ఆశయాన్ని.. దేశం కోసం వారు చేసిన త్యాగాన్ని ఆవిష్కరించిన సినిమా ఇది. అన్ని సినిమాలు విడుదలైన 10 -15 ఏళ్లకు రిలీజ్ అవుతుంటే.. RRR మాత్రం ఏడాదిలోపే రీ రిలీజ్ అవుతుండటం విశేషం. ఈ సినిమా రీ రిలీజ్ లో ఎలాంటి వసూళ్లు రాబడుతుందో చూడాలి.