సల్మాన్ ఖాన్ హత్యకు కుట్ర.. రౌడీ షీటర్ అరెస్ట్

తాజాగా మరోసారి సల్మాన్ ఖాన్ హత్యకి నిందితులు కుట్రచేసినట్లు తేలింది. పంజాబ్ సింగర్ సిద్దూ మూసేవాలాని హత్య చేసిన నిందితులే సల్మాన్ ఖాన్ హత్యకు కుట్రచేశారని పంజాబ్ డీజీపీ గౌరవ్ యాదవ్ వెల్లడించారు. సిద్దూ హత్యకేసు నిందితుల్లో ఒకడైన కపిల్ పండిట్ ను డార్జిలింగ్ లోని ఇండో-నేపాల్ సరిహద్దులో పోలీసులు అరెస్ట్ చేసి, విచారించగా.. సల్మాన్ ఇంటి వద్ద రెక్కీ చేసినట్లు చెప్పాడు. మూడ్రోజుల పాటు రెక్కీ చేశామని, సల్మాన్ ని చంపేందుకు ప్లాన్ కూడా వేశామని చెప్పినట్లు డీజీపీ తెలిపారు. తాజా ఘటనతో సల్మాన్ కు పోలీసులు మరింత భద్రతను పెంచారు.