వరుణ్ లావణ్య పెళ్లి సందడి.. చరణ్, బన్నీతో పాటు నితిన్..
వరుణ్ లావణ్య పెళ్లి పార్టీలో మెగా హీరోలతో పాటు నితిన్ ఫ్యామిలీ కూడా సందడి చేసింది.
వరుణ్ తేజ్, లావణ్య త్రిపాఠి రేపు నవంబర్ 1న మూడుముళ్ల బంధంతో ఒకటి కాబోతున్నారు. ఈ పెళ్లి వేడుక ఇటలీలోని టుస్కానీ నగరంలో జరగబోతున్న సంగతి తెలిసిందే. అక్టోబర్ 30 నుంచి మొదలైన ఈ పెళ్లి సంబరం డుక.. సంగీత్ పార్టీ, హల్దీ, మెహందీ కార్యక్రమాలతో సందడిగా సాగనుంది. ఇక నిన్న నైట్ సంగీత్ పార్టీ జరగగా.. అక్కడి నుంచి కొన్ని ఫోటోలు బయటకి వచ్చాయి. మెగా హీరోలు చరణ్, బన్నీతో పాటు నితిన్ కూడా ఈ పార్టీకి వెళ్ళాడు.
నిన్న రాత్రి జరిగిన సంగీత్ పార్టీకి సంబంధించిన ఫోటోలు నెట్టింట వైరల్ గా మారాయి. ఆ ఫొటోలో రామ్ చరణ్-ఉపాసన దంపతులు, అల్లు అర్జున్-స్నేహారెడ్డి దంపతులు, చిరంజీవి సతీమణి సురేఖ, సాయి ధరమ్ తేజ్, నూతన వధూవరులు వరుణ్ తేజ్-లావణ్య త్రిపాఠి కనిపిస్తున్నారు. ఒక హోటల్ లో జరిగిన ఈ పార్టీలో మెగా ఫ్యామిలీ అంతా కలిసి సందడి చేసింది. కాగా కేవలం కుటుంబసభ్యులు మాత్రమే హాజరయ్యిన ఈ పెళ్ళిలో.. ఇండస్ట్రీ నుంచి నితిన్ కూడా అటెండ్ అయ్యి సందడి చేశాడు.
నితిన్ ప్రస్తుతం ఎక్స్‌ట్రా ఆర్డినరీ మ్యాన్ షూట్ కోసం ఇటలీ వెళ్లినట్లు తెలుస్తుంది. ఇక అక్కడే ఉండడంతో ఈ పెళ్ళికి హాజరయ్యినట్లు సమాచారం. నితిన్ తో పాటు అతని భార్య, అక్కాబావలు, టాలీవుడ్ ఫ్యాషన్ డిజైనర్ నీరజ కోనతో పాటు పలువురు.. ఈ పెళ్లికి బస్సు మాట్లాడుకొని మరి వెళ్లారు. అందుకు సంబంధించిన ఫోటోని నితిన్ బావ సోషల్ మీడియాలో షేర్ చేశాడు.