అంచనాలు పెంచేసిన రాధేశ్యామ్ ట్రైలర్

మార్చి 11న ప్రపంచవ్యాప్తంగా థియేటర్లలో విడుదలయ్యేందుకు రాధేశ్యామ్ సిద్ధమవుతోంది. ఈ నేపథ్యంలో సినిమా ప్రమోషన్ కార్యక్రమాలను వేగవంతం చేసింది చిత్రబృందం. అందులో భాగంగా బుధవారం రాధేశ్యామ్ నుంచి సెకండ్ ట్రైలర్ ను విడుదల చేసింది. 'మనం ఆలోచిస్తామని భ్రమపడతాం. కానీ మన ఆలోచనలు కూడా ముందుగానే రాసిపెట్టుంటాయి' అని ప్రభాస్ డైలాగ్ తో ట్రైలర్ మొదలవుతుంది. ఆ తర్వాత జగపతిబాబు- ప్రభాస్ ల మధ్య వచ్చే డైలాగులు ఆకట్టుకుంటాయి. ట్రైలర్ చివరిలో 'ప్రేమ విషయంలో ఆదిత్య ప్రెడిక్షన్ తప్పు' అని పూజ చెప్పిన డైలాగ్ సినిమాపై మరింత ఆసక్తిని పెంచింది. 1970-80ల కాలం నాటి లవ్​ స్టోరీగా తెరకెక్కిన రాధేశ్యామ్.. ప్రేమకు - విధికి మధ్య జరిగే యుద్ధంగా చూపనున్నారు. కాగా.. ఈ సినిమాకు జస్టిన్‌ ప్రభాకరణ్‌ బాణీలు సమకూరుస్తుండగా ఎస్‌.ఎస్ థమన్‌ నేపథ్య సంగీతం అందిస్తున్నారు.