ఓటీటీ ప్లాట్ ఫామ్ కు రాధేశ్యామ్ ?

ఈ మధ్యకాలంలో థియేటర్లో విడుదలైన ఏ సినిమా అయినా నెలరోజుల్లో ఓటీటీలోకి వచ్చేస్తున్నాయి. అలాగే రాధేశ్యామ్ కోసం కూడా ఓటీటీ ప్రేక్షకులు ఎదురుచూస్తున్నారు. మార్చి 11న థియేటర్లలో విడుదలైన రాధేశ్యామ్.. ఏప్రిల్ 11న ఓటీటీలో విడుదలవ్వచ్చని భావిస్తున్నారు ప్రేక్షకులు. కానీ.. అంతకన్నా ముందే రాధేశ్యామ్ ఓటీటీలోకి రావచ్చని తెలుస్తోంది. రాధేశ్యామ్ ఓటీటీ హక్కులను సొంతం చేసుకున్న అమెజాన్ ప్రైమ్.. ఏప్రిల్ 2వ తేదీన ఉగాది కానుకగా సినిమాను వదలాలని ఆలోచిస్తున్నట్లు సమాచారం. ఈ మేరకు చర్చలు జరుగుతున్నాయట. చర్చలు ఫలిస్తే ఏప్రిల్ 2నే రాధేశ్యామ్ ఓటీటీలోకి రావడం ఖాయం.