Salaar : రెండు బ్యాడ్ న్యూస్‌లు చెప్పిన ప్రశాంత్ నీల్.. సలార్ మూవీ..

ఈసారి పోస్టుపోన్ చేసే మాట ఏం లేదు. ప్రశాంత్ నీల్ ఈ మూవీ ప్రమోషన్స్ ని మొదలు పెట్టేశాడు. తాజాగా ఒక బాలీవుడ్ మీడియాకి ఇంటర్వ్యూ ఇచ్చిన ప్రశాంత్ నీల్.. సలార్ గురించి రెండు బ్యాడ్ న్యూస్ లు చెప్పారు. ఆడియన్స్ అంతా సలార్ అండ్ కేజీఎఫ్ కి కనెక్షన్ ఉండబోతుందని అనుకుంటున్నారు. అయితే ఈ రెండు సినిమాలకు ఏ కనెక్షన్ లేదని ప్రశాంత్ నీల్ కుండ బద్దలు కొట్టేశారు. సలార్ స్టాండ్ ఎలోన్ మూవీ అని, కేజీఎఫ్ యూనివర్స్‌కి సలార్‌కి ఏ కనెక్షన్ లేదు, ఎటువంటి ఆశలు పెట్టుకోవద్దని చెప్పారు.

ఇదొక బ్యాడ్ న్యూస్ అనుకుంటే, ఇదే ఇంటర్వ్యూలో మరో చేదు వార్త కూడా చెప్పారు. అదేంటంటే, ఈ సినిమా కథ.. ప్రశాంత్ నీల్ మొదటి మూవీ 'ఉగ్రం'కి అన్ అఫీషియల్ రీమేక్ గా రాబోతుంది. ఈ ఇంటర్వ్యూలో ప్రశాంత్ నీల్ మాట్లాడుతూ.. "ఇద్దరు ప్రాణ మిత్రులు, భద్ర శత్రువులుగా ఎలా మారారు అనేది సలార్ కథ. ఈ మూవీ స్టోరీ ఫ్రెండ్‌షిప్ మెయిన్ పాయింట్ గా సాగుతుంది" అంటూ చెప్పుకొచ్చారు. ఉగ్రం మూవీ కథ కూడా ఇదే.

అయితే ఉగ్రం మూవీలో ఇద్దరి స్నేహితుల మధ్య శత్రుత్వాన్ని పూర్తి స్థాయిలో చూపించారు. సలార్ సినిమాలో ఆ శత్రుత్వాన్ని పూర్తి స్థాయిలో చూపించనున్నారు. 'ఉగ్రం' మూవీని కన్నడ ప్రజలు ఆల్రెడీ చేసేశారు. హిందీ డబ్ వెర్షన్ కూడా పలు యూట్యూబ్ అండ్ ఓటీటీ ప్లాట్‌ఫార్మ్స్ లో మొన్నటి వరకు అందుబాటులో ఉండేది. కానీ ఇటీవలే ఆ చిత్రాన్ని డిలీట్ చేయించారు. ఉగ్రం హిందీ వెర్షన్ చూసిన నార్త్ ఆడియన్స్ కి కూడా సలార్ కథ తెలుసు.

ఈ విషయమే ప్రభాస్ అభిమానులను కలవర పెడుతున్నాయి. కేజీఎఫ్ 2 రికార్డులను సలార్ పార్ట్ 1తోనే బద్దలవుతాయని రెబల్ ఫ్యాన్స్ ఆశించారు. కానీ ప్రశాంత్ నీల్ చెప్పిన ఈ రెండు బ్యాడ్ న్యూస్‌లతో అభిమానులు నిరాశ చెందుతున్నారు.