పొన్నియిన్ సెల్వన్-1 మొదటి రోజు కలెక్షన్స్ ఎంతంటే..?

సినీ అభిమానులు అత్యంత ఆసక్తిగా ఎదురుచూస్తున్న తమిళ చిత్రాలలో మణిరత్నం దర్శకత్వం వహించిన 'పొన్నియిన్ సెల్వన్' సినిమా. సెప్టెంబర్ 30న భారీగా విడుదలైంది. హృతిక్ రోషన్, సైఫ్ అలీ ఖాన్ నటించిన 'విక్రమ్ వేద' సినిమా నుండి గట్టి పోటీని ఎదుర్కొంటోంది. పొన్నియన్ సెల్వన్-1 చిత్రంలో చియాన్ విక్రమ్, జయం రవి, కార్తీ, త్రిష, ఐశ్వర్యరాయ్ బచ్చన్ ప్రధాన పాత్రలు పోషించారు. ఈ చిత్రం 1వ రోజు అనూహ్యంగా ఓపెనింగ్‌ని సాధించింది. ట్రేడ్ అనలిస్ట్ రమేష్ బాలా.. పొన్నియిన్ సెల్వన్ పార్ట్ 1కి మంచి ఓపెనింగ్ వచ్చిందని తెలిపారు. బీస్ట్, వలిమై చిత్రాల తర్వాత తమిళనాడులో ఈ ఏడాది 3వ ఉత్తమ ఓపెనింగ్‌ను సాధించిన చిత్రమని తెలిపారు. పొన్నియిన్ సెల్వన్ కు మొదటి రోజు 25.86 కోట్లు వచ్చాయని రమేష్ బాలా తెలిపారు. "#PonniyinSelvan part 1 is off to a FANTASTIC start at the box office. The film has grossed ₹25.86 cr on Day 1 in the state. 3rd BIGGEST opener of the year." అంటూ ట్వీట్ చేశారు. హిందీ సర్క్యూట్ లో ఈ సినిమా సుమారు రూ. 1.75 కోట్ల కలెక్షన్లను నమోదు చేసిందని బాక్సాఫీస్ ఇండియా నివేదించింది.