బ్రో ట్రైలర్ వచ్చేస్తోంది

పవన్ కళ్యాణ్- సాయి ధరమ్ తేజ్ కలిసి నటిస్తున్న 'బ్రో' సినిమా జూలై 28న రిలీజ్ కాబోతోంది. ఈ సినిమా సెన్సార్ ను కూడా పూర్తీ చేసుకున్నట్లు తెలుస్తుంది. 2 గంటల 15 నిమిషాల రన్ టైమ్ ఉండనుంది. పవన్ కళ్యాణ్ స్పెషన్ అప్పియరెన్స్ తో వస్తున్న ఈ సినిమాపై అభిమానుల్లో భారీ అంచనాలు నెలకొన్నాయి. పి. సముద్రఖని దర్శకత్వం వహించిన ఈ సినిమా తమిళంలో సూపర్‌ హిట్టయిన వినోదయ సిత్తం సినిమాకు రీమేక్‌గా తెరకెక్కింది. ఇప్పటికే రిలీజైన టీజర్ కు ప్రేక్షకుల నుంచి మంచి రెస్పాన్స్ వచ్చింది. ఈ సినిమాకు సంబంధించిన ట్రైలర్ కోసం అభిమానులు ఎదురుచూస్తూ ఉండగా.. కీలక అప్డేట్ ను వదిలింది చిత్ర బృందం. జూలై 21న ఈ సినిమా ట్రైలర్ ను రిలీజ్ చేయబోతున్నట్లు నిర్మాత వివేక్ కూచిబొట్ల వెల్లడించాడు.