కెరీర్ బెస్ట్ రికార్డును సొంతం చేసుకున్న గోపీ చంద్

గోపీచంద్, రాశి ఖన్నా కాంబినేషన్ లో మారుతీ దర్శకత్వం వహించిన 'పక్కా కమర్షియల్' చిత్రం సినిమా హాళ్లలో విడుదలైంది. మొదటి రోజు సినిమాను చూడడానికి బాగానే థియేటర్స్ కు చేరుకున్నారు అభిమానులు. టీజర్, ట్రైలర్ ఆకట్టుకునేలా ఉండటంతో సినిమాపై అంచనాలు పెరిగాయి. తొలి రోజు ఈ చిత్రానికి మంచి టాక్ వచ్చింది. వసూళ్ల పరంగా కూడా 'పక్కా కమర్షియల్' మొదటి రోజు బాగానే రాబట్టింది. గోపీచంద్ కెరీర్ లోనే తొలి రోజు అత్యధిక మొత్తం రాబట్టిన చిత్రంగా నిలిచింది. 'పక్కా కమర్షియల్' రిలీజ్ రోజు ప్రపంచ వ్యాప్తంగా రూ. 6.3 కోట్ల గ్రాస్ కలెక్షన్లు రాబట్టిందని చిత్ర బృందం ప్రకటించింది. గోపీచంద్ కెరీర్లో బెస్ట్ ఓపెనింగ్ ఇదే..! గోపీచంద్ గత చిత్రం 'సీటీమార్' మొదటి రోజు దాదాపు 4.1 కోట్లు వసూలు చేసింది. 'పక్కా కమర్షియల్' ఆ రికార్డును బ్రేక్ చేసింది. ఈ సినిమాను గీతా ఆర్ట్స్2 బ్యానర్ పై బన్నీ వాసు నిర్మించాడు. గోపీచంద్ సరసన రాశీ ఖన్నా హీరోయిన్ గా నటించింది. సత్య రాజ్‌, సప్తగిరి, వరలక్ష్మి శరత్‌ కుమార్‌, రావు రమేష్‌ ఇతర కీలక పాత్రలు పోషించారు.