"ఆహాపురం..సినిమాపురం" ప్రతి శుక్రవారం కొత్త సినిమా !

ఈ మధ్య చాలా సినిమాలు ఓటీటీల్లోనే విడుదలవుతున్న సంగతి తెలిసిందే. ముఖ్యంగా లో బడ్జెట్ సినిమాలు ఓటీటీలోనే విడుదలయ్యేందుకు మొగ్గుచూపుతున్నాయి. అలాగే థియేటర్లలో విడుదలవుతున్న సినిమాలు కూడా నెలరోజుల వ్యవధిలోనే ఓటీటీ విడుదళ్లకు రెడీ అయిపోతున్నాయి. ఈ నేపథ్యంలో ప్రముఖ ఓటీటీ సంస్థ ఆహా.. సరికొత్త కాన్సెప్ట్ ను తీసుకొచ్చింది. సెలబ్రిటీ టాక్ షో లు, సెలబ్రిటీ వంటలు, వెబ్ సిరీస్ లతో దూసుకుపోతున్న ఆహా.. సినిమాపురంతో ప్రేక్షకుల ముందుకొచ్చింది. ఇకపై ప్రతి శుక్రవారం సినిమాపురం పేరుతో కొత్త సినిమాను తమ ఓటీటీలో విడుదల చేయనుంది ఆహా.