నాగార్జున గారు.. మీరు ఆ పాత్ర నుంచి బయటకి రావాలి..

కిర‌ణ్ రాథోడ్‌, ష‌కీలా, దామిని, ర‌తిక, శుభశ్రీ.. ఇలా టాప్ అనుకున్నవారే బయటకి వచ్చేస్తున్నారు. ఇక ఈ వారం ఎవరు ఎలిమినేట్ అవబోతున్నారని ఆడియన్స్ లో ఎంతో ఆసక్తి నెలకుంది. అయితే ఈ వీక్ కూడా లేడీ కంటెస్టెంటే బయటకి వెళ్లబోతుందని సోషల్ మీడియాలో టాక్ వినిపిస్తుంది. ఈ వారం ఎలిమినేషన్ నామినేషన్స్ లో శోభా శెట్టి, అశ్విని శ్రీ, నయని పావని, పూజా మూర్తి, ప్రిన్స్‌ యావర్‌, అమర్‌దీప్‌, టేస్టీ తేజ ఉన్నారు. వీరిలో శోభా శెట్టి ఎలిమినేట్ అయ్యే ఛాన్స్ ఎక్కువ ఉందని నెటిజెన్స్ చెబుతున్నారు.

ప్రస్తుతం ఈ అమ్మడి గేమ్ తీరుపై బాగా ట్రోలింగ్ జరుగుతుంది. కొన్ని టాస్క్‌ల్లో శోభా శెట్టి.. మరి చిల్లరిగా ప్రవర్తిస్తుందని కామెంట్స్ చేస్తున్నారు. ఈక్రమంలోనే ఆడియన్స్ లో ఈ భామపై నెగటివిటీ రావడంతో.. ఓట్లు తగ్గే ఛాన్స్ ఉందని చెబుతున్నారు. దీంతో సోషల్ మీడియాలో శోభా శెట్టి ఈ వీక్ ఎలిమినేట్ అవ్వబోతుందని గట్టిగా టాక్ వినిపిస్తుంది. ఇక ఈ వారం కూడా లేడీ కంటెస్టెంటే బయటకి వెళ్లబోతుందా అని తెలుసుకున్న నెటిజెన్స్.. నాగార్జునకి ఒక రిక్వెస్ట్ పెడుతున్నారు.

నాగార్జున నటించిన 'మన్మధుడు' సినిమా అందరికి గుర్తుకు ఉండే ఉంటుంది. ఆ మూవీ ఫస్ట్ హాఫ్ లో నాగార్జున లేడీస్ పై కోపం చూపిస్తుంటాడు. ఇప్పుడు ఆ పాత్రలో ఉండే.. హౌస్ నుంచి లేడీ కంటెస్టెంట్స్ అందర్నీ బయటకి పంపించేస్తున్నాడు అంటూ నెటిజెన్స్ కామెంట్స్ చేస్తున్నారు. నాగార్జున గారు మీరు ఆ పాత్ర నుంచి బయటకి వచ్చి మాకోసం కొందరి లేడీస్ అన్న లోపల ఉంచండి అంటూ ఫన్నీ కామెంట్స్ చేస్తున్నారు. మరి నాగ్ ఈ వారం ఎవరిని బయటకి తీసుకు వస్తాడో చూడాలి.