నాగార్జున 99.. 'నా సామిరంగ' సంక్రాంతికి మాస్ జాతర..
నాగార్జున పుట్టినరోజుకి ఏదొక అప్డేట్ వస్తుందని అభిమానులు ఎంతో ఆశగా ఎదురు చూశారు. అయితే ఫ్యాన్స్ ఆశించిన దానికంటే అదిరిపోయే అప్డేటే వచ్చింది.
టాలీవుడ్ కింగ్ నాగార్జున (Nagarjuna Akkineni) గత ఏడాది చివరిలో 'ఘోస్ట్' సినిమాతో ఆడియన్స్ ముందుకు వచ్చాడు. మంచి అంచనాలతో రిలీజ్ అయిన ఆ సినిమా బాక్స్ ఆఫీస్ వద్ద అభిమానులను నిరాశ పరిచింది. ఇక అప్పటి నుంచి నాగ్ సైలెన్స్ మెయిన్‌టైన్ చేస్తూ వచ్చాడు. తన తదుపరి సినిమా అప్డేట్ ఎప్పుడు అంటూ అభిమానులు ప్రశ్నిస్తున్నా.. అటు నుంచి మాత్రం ఏ బదులు రాలేదు. నాగార్జున నుంచి సినిమా వచ్చి ఆల్మోస్ట్ ఏడాది అయ్యిపోయింది.
ధమాకా, దాస్ కా ధమ్కీ వంటి మాస్ సినిమాలకు కథని అందించిన ప్రసన్న కుమార్ బెజవాడ ఈ చిత్రానికి స్టోరీ అందిస్తున్నాడు. ఇక తన కెరీర్ లో ఎంతోమంది కొత్త దర్శకులను పరిచయం చేసిన నాగార్జున.. ఇప్పుడు తన 99వ మూవీ 'విజయ్ బిన్నీ' అనే డైరెక్టర్ ని పరిచయం చేస్తున్నాడు. వచ్చే ఏడాది సంకాంతి బరిలో మాస్ జాతర చేయడానికి నా సామిరంగ అంటూ నాగార్జున పోటీకి సిద్దమయ్యిపోయాడు. బంగార్రాజు, సొగడే చిన్నినాయనా వంటి విలేజ్ బ్యాక్‌డ్రాప్ సినిమాలు సంక్రాంతికి వచ్చి సూపర్ హిట్టుగా నిలిచాయి.