ఇండస్ట్రీ సమస్యల పరిష్కారానికి ప్రభుత్వం కృషి చేస్తుంది : మంత్రిపేర్ని నాని

అలాగే సినీ పరిశ్రమ సమస్యలను సీఎం దృష్టికి తీసుకొచ్చేందుకు చిరంజీవి ఎంతో కృషి చేశారని మంత్రి పేర్ని నాని వెల్లడించారు. ఏపీలో కూడా షూటింగులు జరపాలని సినీ ప్రముఖులను జగన్ కోరారని పేర్ని నాని తెలిపారు. విశాఖలో షూటింగులకు అనుకూలంగా చాలా ప్రాంతాలుండగా.. అక్కడ షూటింగులు జరిగేలా చూడాలని సీఎం జగన్ సినీ పెద్దలకు విజ్ఞప్తి చేశారు. ప్రభుత్వం తరపున ఎలాంటి సహాయం చేసేందుకైనా సిద్ధమని జగన్ చెప్పినట్లు వెల్లడించారు. ఈ సందర్భంగా సినీ ప్రముఖులు మాట్లాడుతూ.. తమకు హైదరాబాద్ ఎంతో.. ఏపీ కూడా అంతేనని చెప్పారని, వారికి ధన్యవాదాలు తెలిపారు మంత్రి పేర్నినాని.