మెగా స్టార్ చిరంజీవి ట్విట్టర్ అకౌంట్ చూశారా..?

చిరంజీవి ట్విట్టర్ లో అందరికీ హనుమాన్ జయంతి శుభాకాంక్షలు చెప్పడమే కాకుండా.. రామ్ చరణ్ కు సంబంధించిన ఓ వీడియోను కూడా షేర్ చేసుకున్నారు. ఆచార్య సినిమాలో రామ్ చరణ్ కూడా నటిస్తున్న సంగతి తెలిసిందే..! సిద్ధ లుక్ లో రామ్ చరణ్ ఉండగా.. ఓ కోతి వచ్చి సందడి చేస్తుండడం వీడియోలో చూడచ్చు. కాటేజీలో మేకప్ వేసుకుంటూ రామ్ చరణ్ రెడీ అవుతుండగా ఓ వానరం అక్కడకు వచ్చింది. మేకప్ వేసుకున్నంత సేపు అక్కడే ఉంది. మేకప్ వేసుకోవడం పూర్తయిన తర్వాత చరణ్.. ఆ వానరానికి బిస్కెట్లను అందించాడు.

చిరంజీవి- చరణ్ కాంబినేషన్లో 'ఆచార్య' సినిమా రూపొందింది. కొరటాల శివ దర్శకత్వంలో నిరంజన్ రెడ్డి - అవినాష్ రెడ్డి నిర్మించిన ఈ సినిమాలో, కాజల్, పూజ హెగ్డే కథానాయికలుగా అలరించనున్నారు. ఇటీవలే ట్రైలర్ కు భారీ రెస్పాన్స్ వచ్చింది. ఈ నెల 24వ తేదీన ఈ సినిమా ప్రీ రిలీజ్ ఈవెంట్ ను నిర్వహించి, 29వ తేదీన సినిమాను విడుదల చేయనున్నారు.