ఎఫ్ 3 ఫన్ మొదలయింది.. వెంకీ లుక్ రిలీజ్ చేసిన మేకర్స్

అనిల్ రావిపూడి.. వెంకటేష్, వరుణ్ తేజ్ లతో కలిసి ఎఫ్ 2 సినిమాతో ప్రేక్షకులను పొట్ట చెక్కలయ్యేయా నవ్వించారు. ఆ తర్వాత ఎఫ్ 3 సినిమా అనౌన్స్ మెంట్ చేశారు. షూటింగ్ కూడా జరుగుతోంది. కానీ.. ఈ సినిమా నుంచి ఇంతవరకూ ఏ చిన్న అప్ డేట్ వచ్చింది లేదు. తాజాగా హీరో విక్టరీ వెంకటేశ్ పుట్టినరోజు సందర్భంగా సినిమాలో వెంకీ లుక్ ను రిలీజ్ చేశారు మేకర్స్. ఈ వీడియోతో ఫ్యాన్స్ కు సినిమా పై హైప్ పెంచే ప్రయత్నం చేశారు. ఇందులో వెంకీ నిజామీ లుక్ లో కనిపిస్తున్నారు. తన చుట్టూ ఉన్న వ్యక్తులతో చార్మినార్ ముందు విశ్రాంతి తీసుకుంటూ.. నోట్లతో విసురుకుంటూ.. రాజులా రాయల్ లుక్ లో కనిపిస్తారు వెంకీ. అయితే మూవీలోని ఓ పాట నుంచి ఈ వీడియో క్లిప్ విడుదల చేసినట్లుగా తెలుస్తోంది. హైదరాబాద్ సంస్కృతిని కన్విన్సింగ్‌గా ప్రదర్శించారు.