బిల్ గేట్స్ ను కలిసిన మహేష్ బాబు.. ఎందుకు.. ఎలా..?

'సర్కారువారి పాట' సినిమా సక్సెస్ అనంతరం సూపర్ స్టార్ మహేశ్ బాబు ప్రస్తుతం హాలిడేస్ లో ఉన్నారు. గత కొన్ని రోజులుగా తన కుటుంబంతో కలిసి మహేశ్ విదేశాల్లో ఎంజాయ్ చేస్తున్నాడు. అమెరికా పర్యటనలో ఉన్న మహేశ్ తన భార్య నమ్రతతో కలిసి... న్యూయార్క్ సిటీలో మైక్రోసాఫ్ట్ అధినేత బిల్ గేట్స్ ను కలిశాడు. దీనికి సంబంధించిన ఫొటోను సోషల్ మీడియాలో మహేశ్ షేర్ చేశాడు. 'బిల్ గేట్స్ ను కలవడం చాలా సంతోషంగా ఉంది. ఈ ప్రపంచంలోని అతి గొప్ప విజనరీల్లో ఆయనొకరు. అంతకంటే ఎక్కువ వినయవంతులు. నిజంగా ఒక స్ఫూర్తి' అని మహేశ్ చెప్పారు. మహేష్ బాబు ఎందుకు కలిశారు అనే డౌట్స్ అభిమానుల్లో ఉన్నాయి. మహేష్ బాబు సమాజ సేవ గురించి ప్రత్యేకంగా చెప్పాల్సిన అవసరం లేదు.. బిల్ గేట్స్ కూడా తన ఫౌండేషన్ ద్వారా ఎన్నో సామాజిక సేవా కార్యక్రమాలకు నాంది పలికిన సంగతి తెలిసిందే..! ఇద్దరు మంచి వ్యక్తులు ఒకే ఫ్రేమ్ లో ఉన్నారంటూ పలువురు అభిమానులు పోస్టులను షేర్ చేస్తూ వస్తున్నారు.