లైగర్ ఫస్ట్ గ్లింప్స్.. మునుపెన్నడూ లేని ఎంట్రీతో విజయ్ దేవరకొండ !

53 సెకండ్ల నిడివితో వచ్చిన ఈ ఫస్ట్ గ్లింప్స్ లో విజయ్ దేవరకొండ.. మునుపెన్నడూ చూడనంత పవర్ ఫుల్ గెటప్ లో కనిపించాడు. పూరీ మార్క్ యాక్షన్ సన్నివేశాలతో రౌడీ బాయ్ పవర్ ఫుల్ డైలాగ్స్, బ్యాక్ గ్రౌండ్ మ్యూజిక్ సినిమాపై హైప్ ని పెంచేస్తున్నాయి. ఫస్ట్ గ్లింప్స్ తో రౌడీ బాయ్స్ లైగర్ పై భారీ అంచనాలు పెట్టుకున్నారు. పోనీ టైల్ తో సరికొత్త లుక్ లో కనిపించాడు విజయ్ దేవరకొండ. ముంబై వీధుల్లో ఛాయ్ వాలాగా ఉండే ఓ కుర్రాడు.. ఎంఎంఏ ఛాంపియన్ గా ఎలా ఎదిగాడన్నది సినిమా కథగా తెలుస్తోంది. ఈ సినిమా తెలుగు, హిందీ భాషల్లో ఏకకాలంలో చిత్రీకరిస్తున్నారు. అలాగే కన్నడ, తమిళం, మళయాళంలో డబ్ చేయనున్నారు. లైగర్ సినిమాలో విజయ్ కు తల్లి పాత్రలో రమ్యకృష్ణ నటించినట్లు తెలుస్తోంది. అలాగే రోనిత్ రాయ్, మకరంద్ దేశ్ పాండే కూడా ప్రముఖ పాత్రల్లో నటించారు.