కేజీఎఫ్ నటుడికి యాక్సిడెంట్
అవినాష్ అనిల్‌ కుంబ్లే సర్కిల్‌ సమీపంలో ప్రయాణిస్తుండగా ఆయన కారును
కేజీఎఫ్ సిరీస్‌లో కీలక పాత్ర పోషించిన నటుడు బిఎస్ అవినాష్ బుధవారం బెంగళూరులో కారు ప్రమాదానికి గురయ్యారు. నివేదికల ప్రకారం, అవినాష్ ప్రయాణిస్తున్న మెర్సిడెస్ బెంజ్ కారు ట్రక్కును ఢీకొట్టింది, అయితే అదృష్టవశాత్తూ, అతనికి పెద్దగా గాయాలు లేకుండా బయటపడ్డాడు. బుధవారం ఉదయం 6 గంటల ప్రాంతంలో అవినాష్ అనిల్‌ కుంబ్లే సర్కిల్‌ సమీపంలో ప్రయాణిస్తుండగా ఆయన కారును ట్రక్కు ఢీకొట్టింది. ట్రక్కు డ్రైవర్‌ను అదుపులోకి తీసుకుని కబ్బన్‌పార్క్ పోలీసులు కేసు నమోదు చేశారు. మార్నింగ్ వాక్‌కు వెళ్లిన బాటసారులు వెంటనే వచ్చి అవినాష్‌ను రక్షించి కారులో నుంచి బయటకు తీశారు. అవినాష్ ఉదయం సమయంలో జిమ్‌కి వెళ్తున్నట్లు తెలుస్తోంది.
యష్ నటించిన KGF సిరీస్‌లో, అవినాష్ ఒక గ్యాంగ్‌ కు బాస్ అయిన ఆండ్రూ అనే పాత్రను పోషించాడు. KGF రెండు భాగాల్లోనూ కీలక పాత్రను పోషించాడు. దివంగత నటుడు చిరంజీవి సర్జా ద్వారా అవినాష్‌కి కేజీఎఫ్ లో నటించే అవకాశం వచ్చింది. సర్జా స్నేహితుడి ద్వారా, అవినాష్ కు సినిమాటోగ్రాఫర్ భువన్ గౌడతో పరిచయం ఏర్పడింది. భువన్ గౌడ అతనిని ప్రశాంత్ నీల్‌కు పరిచయం చేశాడు.