రామ్ చరణ్‌కి నేను బిగ్ ఫ్యాన్.. కంగనా రనౌత్..

తెలుగు హీరోల్లో మీకు నచ్చిన హీరో ఎవరు..? ఎవరితో కలిసి నటించాలని అనుకుంటున్నారు..? అని ప్రశ్నించగా, కంగనా బదులిస్తూ.. "రామ్ చరణ్ సార్ కి నేను బిగ్ ఫ్యాన్‌ని. ఆయన సినిమాలు అంటే నాకు చాలా ఇష్టం. ఆయనతో కలిసి నటించాలని ఉంది" అంటూ చెప్పుకొచ్చింది. ఇక అలాగే అల్లు అర్జున్, సమంతతో కూడా కలిసి నటించాలని ఉందంటూ పేర్కొంది. అలాగే ఆల్రెడీ ప్రభాస్ తో కలిసి ‘ఏక్ నిరంజన్’ సినిమాలో నటించగా.. మరోసారి కలిసి యాక్ట్ చేయాలని ఉందని వెల్లడించింది.

మరో ఇంటర్వ్యూలో.. 'ఒక సౌత్ డైరెక్టర్, ఒక సౌత్ హీరోతో కలిసి చేయాలంటే, ఎవరిని సెలెక్ట్ చేసుకుంటారు' అని ప్రశ్నించారు. దీనికి కంగనా బదులిస్తూ.. రాజమౌళి అండ్ రామ్ చరణ్ తో కలిసి చేయాలని ఉందంటూ వెల్లడించింది. ఇక ప్రతి ఇంటర్వ్యూలో కంగనా.. రామ్ చరణ్ పేరు చెపుతుండడంతో చరణ్ అభిమానులు అందుకు సంబంధించిన వీడియోలను సోషల్ మీడియాలో షేర్ చేస్తూ సందడి చేస్తున్నారు.

ఇక చంద్రముఖి 2 మూవీ విషయానికి వస్తే.. రాఘవ లారెన్స్ హీరోగా తెరకెక్కిన ఈ మూవీని పి.వాసు డైరెక్ట్ చేస్తున్నాడు. చంద్రముఖి 1ని కూడా వాసునే తెరకెక్కించాడు. ఆస్కార్ విజేత ఎం ఎం కీరవాణి ఈ మూవీకి మ్యూజిక్ అందిస్తున్నాడు. సెప్టెంబర్ 28న ఈ మూవీ పాన్ ఇండియా వైడ్ రిలీజ్ కాబోతుంది. మరి చంద్రముఖి 1లా ఈ చంద్రముఖి కూడా భయపెడుతుందా..? లేదా..? చూడాలి.