ఈ కార్యక్రమానికి కూడా జూనియర్ ఎన్టీఆర్ దూరం..!

నేడు ఆగష్టు 28న రాష్ట్రపతి భవన్ లోని సాంస్కృతిక కేంద్రంలో రాష్ట్రపతి ద్రౌపదీ ముర్ము.. ఈ రూ.100 నాణేన్ని(100 Rupees Coin) విడుదల చేయనున్నారు. ఇక ఈ కార్యక్రమానికి హాజరుకావాలంటూ ఎన్టీఆర్ కుటుంబ సభ్యులకు, టీడీపీ, బీజేపీ పార్టీలతో పాటు పలు ప్రముఖ నాయకులకు ఆహ్వానాలు వెళ్లాయి. ఈక్రమంలోనే జూనియర్ ఎన్టీఆర్ (NTR) కూడా ఆహ్వానం అందింది. కానీ తారక్ మాత్రం ఈ కార్యక్రమానికి కూడా దూరంగా ఉన్నాడు.

గతంలో విజయవాడ, హైదరాబాద్ లో జరిగిన శతజయంతి కార్యక్రమాలకు జూనియర్ ఎన్టీఆర్ పూర్తిగా దూరంగా ఉంటూ వచ్చాడు. ఆ సమయంలో నందమూరి అభిమానులని ఈ విషయం చాలా బాధ పెట్టింది. ఇక ఇప్పుడు భారత్ ప్రభుత్వం నిర్వహిస్తున్న ఈ ప్రతిష్టాత్మక కార్యక్రమానికి కూడా ఎన్టీఆర్ దూరంగా ఉండడం ఫ్యాన్స్ ని ఆవేదనకు గురి చేస్తుంది. ఎన్టీఆర్ ప్రస్తుతం దేవర (Devara) సినిమాలో నటిస్తున్న సంగతి తెలిసిందే. ఈ మూవీ ఇచ్చిన డేట్స్ వలనే ఎన్టీఆర్ ఈ కార్యక్రమానికి హాజరుకాలేకపోతున్నాడని కొంతమంది చెబుతున్నారు.

అయితే మరికొంతమంది మాత్రం.. ఎన్టీఆర్ రాజకీయాలకు దూరంగా ఉండాలని నిర్ణయించుకున్నాడు. అందుకనే పొలిటికల్ లీడర్స్ హాజరయ్యే వేడుకలకు, పొలిటికల్ ఈవెంట్స్‌కు దూరంగా ఉండాలని నిర్ణయించుకోవడం వల్లే.. తారక్ ఈ కార్యక్రమానికి కూడా రావడం లేదని చెబుతున్నారు. అలాగే ఎన్టీఆర్ సోదరుడు కళ్యాణ్ రామ్ (Kalyan Ram) కూడా తముడితో పాటు ఈ కార్యక్రమాలకు ముందు నుంచి దూరం వహిస్తూ వస్తున్నాడు. కారణాలు ఏవైనా.. నందమూరి వారసులు ఇలాంటి కార్యక్రమాలకు హాజరుకాకపోవడం చర్చనీయాంశంగా మారింది.