పుష్ప-2 లో విజయ్ సేతుపతి.. ఫుల్ క్లారిటీ ఇచ్చేశారుగా..!

పుష్ప సినిమా భారీ విజయం సాధించాక.. రెండో భాగాన్ని అంతకు మించిన స్థాయిలో రూపొందించాలని చిత్ర బృందం భావిస్తోంది. అందుకే పుష్ప-2 లో భారీ తారాగణాన్ని దించాలని అనుకుంటున్నారని.. భారీ బడ్జెట్ తో తెరకెక్కించాలని భావిస్తూ ఉన్నారు. ఇక ఈ సినిమాలో పలువురు స్టార్ హీరోలు కూడా నటిస్తున్నారనే కథనాలు కూడా వినిపిస్తూ వచ్చాయి. పుష్ప-2 లో దక్షిణాదిలోనే బిజీ యాక్టర్ అయిన విజయ్ సేతుపతి కూడా భాగమయ్యాడనే ప్రచారం సాగుతోంది. దీనిపై ఆయన టీమ్ క్లారిటీ ఇచ్చింది. విజయ్ సేతుపతి పీఆర్‌వో ఓ ఆసక్తికర ట్వీట్‌ చేశాడు. '' షారుఖ్ ఖాన్ జవాన్ సినిమాలో మాత్రమే ఆయన నటిస్తున్నారని.. మరే సినిమాలో ఆయన నటించడంలేదని'' తెలిపాడు. విజయ్ ఫొటోను కూడా షేర్ చేశాడు. దీనికి సంబంధించిన ట్వీట్ వైరల్‌గా మారింది.