"విజిల్ మహాలక్ష్మి"గా కృతి శెట్టి

తమిళ డైరెక్టర్ లింగుస్వామి - యంగ్ అండ్ ఎనర్జిటిక్ చాక్లెట్ బాయ్ రామ్ పోతినేని కాంబోలో తెరకెక్కుతున్న సినిమా ది వారియర్. భారీ బడ్జెట్ తో నిర్మిస్తున్న ఈ సినిమాను తెలుగుతోపాటు తమిళ భాషల్లో ఒకేసారి రిలీజ్ చేసేందుకు ప్లాన్ చేస్తున్నారు. తాజాగా వాలెంటైన్స్ డే సందర్భంగా ది వారియర్ సినిమాలో కృతి లుక్, క్యారెక్టర్ ను రివీల్ చేశారు మేకర్స్. కృతి శెట్టి జీన్స్, టీ షర్ట్ వేసుకుని కూల్‏గా స్కూటర్ నడుపుతూ కనిపించింది. విజిల్ మహాలక్ష్మిగా మీ అందరినీ ఎంటర్టైన్ చేసేందుకు కృతి రెడీ అవుతుందంటూ రామ్ పోతినేని ట్వీట్ చేశారు. కాగా.. రామ్ మొదటిసారిగా పోలీస్ పాత్రలో కనిపించనున్న ఈ సినిమాలో నటుడు ఆది పినిశెట్టి కీలక పాత్ర పోషిస్తున్నారు. శ్రీనివాస సిల్వర్ స్క్రీన్ బ్యానర్ పై శ్రీనివాస చిట్టూరి నిర్మిస్తున్న ది వారియర్ చిత్రానికి.. దేవిశ్రీ ప్రసాద్ సంగీతాన్ని అందిస్తున్నారు.