Ghati Movie Collections :

చాలా రోజుల తర్వాత హీరోయిన్ అనుష్క ఇందులో ప్రధాన పాత్ర పోషించారు. క్రిష్ దర్శకత్వంలో రూపొందించిన ఈ సినిమా ఆంధ్రప్రదేశ్ - ఒడిశా సరిహద్దుల్లో ఉన్న ప్రజలకు సంబంధించిన కథ ఆధారంగా తెరకెక్కించడంతో ప్రేక్షకులకు కనెక్ట్ అయిందని చెబుతున్నారు. అందుకే విడుదలయిన రోజు నుంచి ఘాటీ మూవీ పాజిటివ్ టాక్ తెచ్చుకుంది. నిర్మాతలు కూడా దీనిపై అంచనాలు పెద్దగా లేకుండానే గత శుక్రవారం విడుదల చేసినప్పటికీ మూవీ చూసిన వారు ఎవరూ డిజప్పాయింట్ కావడం లేదని, థియేటర్లలో చూస్తే ఆ ఫీల్ బాగా ఉంటుందన్న అభిప్రాయం సర్వత్రా వ్యక్తమవుతుంది.

భారీ ప్రీ-రిలీజ్ హైప్ ఉన్నప్పటికీ, అనుష్క శెట్టి ఎంతో ఆసక్తిగా ఎదురుచూసిన యాక్షన్ డ్రామా ‘ఘాటి’. ఆంధ్రప్రదేశ్, తెలంగాణ రాష్ట్రాల్లో మంచి స్పందననే అందుకుంది. ట్రేడ్ వర్గాల నుంచి అందుతున్న సమాచారం ప్రకారం, ఈ చిత్రం మొదటి రోజు దాదాపు రెండు కోట్ల రూపాయలు వసూలు చేయగా, రెండో రోజు కలెక్షన్లు1.75 కోట్లు వచ్చిందని చెబుతున్నారు. అయితే నిమజ్జనం రోజు కావడంతో థియేటర్లకు పెద్దగా ప్రేక్షకులు వచ్చి ఉండరన్న అభిప్రాయం వ్యక్తమవుతుంది. ఈరోజు నుంచి కలెక్షన్లు ఊపందుకుంటాయన్న అంచనాలు వినిపిస్తున్నాయి. నిర్మాతలు కూడా అదే అభిప్రాయంలో ఉన్నారు. చూడలి మరి అగ్ర కథానాయలకు ధీటుగా ఈ మూవీ ఏమేం రికార్డులను బ్రేక్ చేస్తుందో?