జెనీలియా రీ ఎంట్రీ..

హైదరాబాద్ : అందం, అల్లరి, చిలిపిదనం, చలాకీతనం, కాస్త అమాయకత్వం.. ఇవన్నీ కలగలిపిన హీరోయిన్ జెనీలియా. తెరపై అందాలతో కనువిందు చేసే హీరోయిన్లు చాలా మంది ఉన్నారు కానీ.. జెనీలియా లాగా అల్లరిచేసిన హీరోయిన్లు లేరనే చెప్పాలి. తెలుగు, తమిళ భాషల్లో ఎక్కువ సినిమాలు చేసిన జెనీలియా.. మలయాళం, కన్నడ, హిందీ, మరాఠీ సినిమాల్లోనూ మెరిసింది. తెలుగులో జెనీలియా నటించిన సై, హ్యాపీ, బొమ్మరిల్లు సినిమాలు సూపర్ హిట్ అయ్యాయి. బొమ్మరిల్లులో హాసిన క్యారెక్టర్ జెనీలియాకు మంచి ఫేమ్ ను తీసుకొచ్చింది. ఇప్పటికీ హాసినిని మరచిపోలేదు తెలుగు ప్రేక్షకులు.