వాల్తేరు వీరయ్య ఫస్ట్ సింగిల్.. ఆరుపదుల వయసులోనూ అదరగొట్టిన చిరంజీవి

ఊర మాస్ గెటప్ లో లుంగీ-అంగీ లో కనిపించిన చిరంజీవిని చూసి అభిమానులు.. వింటేజ్ చిరుని చూసినట్లుందంటున్నారు. ఆరుపదుల వయసు దాటినా.. సినిమా, డ్యాన్సు పట్ల ఆయనకున్న కమిట్ మెంట్ కు హ్యాట్సాఫ్ చెబుతున్నారు. రెండు పాటలు మినహా సినిమా షూటింగ్ దాదాపు పూర్తైనట్లు తెలుస్తోంది. ఇక చిరంజీవి సరసన శృతిహాసన్ నటిస్తుండగా.. మాస్ మహారాజా రవితేజ కీలక పాత్రలో కనిపించనున్నాడన్న విషయం తెలిసిందే. మైత్రీ మూవీస్ సంస్థ ఈ చిత్రాన్ని నిర్మిస్తోంది. ఈ సంక్రాంతికి మైత్రీ మూవీస్ తనతో తానే పోటీ పడనుంది. బాలయ్య.. వీర సింహారెడ్డిని కూడా ఈ బ్యానరే నిర్మిస్తుంది. ఇద్దరు హీరోల సినిమాలు సంక్రాంతి బరిలోకి దిగనున్నాయి. మరి మైత్రీ మూవీస్ డబుల్ హిట్ అందుకుంటుందో లేదో చూడాలి.